கர்நாடகாவின் அடர்ந்த காடுகளில் உள்ள ஒரு குகையில், ரஷ்யாவில் பிறந்த ஒரு பெண் தனது இரு சிறிய மகள்களுடன் தங்கியிருந்த சம்பவம் பெரும் பரபரப்பை ஏற்படுத்தியுள்ளது. இந்த மூவரும் மாநில போலீசாரால் பாதுகாப்புடன் மீட்கப்பட்டனர்.
கர்நாடகாவின் உத்தர கன்னடா மாவட்டத்தில் அமைந்துள்ள கோகர்ணா என்ற பகுதியின் அருகே, புனித ராமதீர்த்தா மலை உள்ளது. அந்த மலைச்சுற்றிய வனப்பகுதியில், சுற்றுலா பயணிகள் சட்டவிரோதமாக மலையேற்றம் மற்றும் வனசுற்றுலா போன்ற நடவடிக்கைகளில் ஈடுபடுவதாக போலீசாருக்கு தகவல் வந்தது.
இந்த தகவலையடுத்து, கோகர்ணா காவல் நிலைய ஆய்வாளர் சுதர் தலைமையில் போலீசார் கடந்த ஜூலை 9-ஆம் தேதி வனப்பகுதியில் ரோந்து பணியில் ஈடுபட்டனர். அந்தப் போது, நிலச்சரிவு ஏற்படும் அபாயம் உள்ள ஆழ்ந்த குகையொன்றில் ஒரு வெளிநாட்டு பெண் தங்கியிருப்பது தெரியவந்தது. உடனடியாக அந்த பெண்ணையும், அவர் குழந்தைகளையும் போலீசார் பாதுகாப்புடன் வெளியே கொண்டு வந்து விசாரணை நடத்தினர்.
பொதுமக்களுக்கு பதிலாக குகையில் யோகியும் ஆன்மிகமும்:
அந்த பெண்ணின் பெயர் நினா குடினா (வயது 40) என்பதாக தெரிய வந்தது. ரஷ்யாவைச் சேர்ந்த நினா, தனது 6 வயதான மகள் பிரேமா மற்றும் 4 வயதான மகள் அமாவுடன் 2017-ம் ஆண்டு சுற்றுலா பயணமாக கோவா வந்ததாக கூறப்படுகிறது. ஆன்மிக ஆர்வம் கொண்ட நினா, கோவாவில் உள்ள சாமியார்களின் மடங்களில் தங்கி யோகாசனம் உள்ளிட்ட பயிற்சிகளில் ஈடுபட்டுள்ளார்.
பின்னர், 2018 ஏப்ரல் 19-ம் தேதி நேபாளத்துக்கும் சென்றிருந்தார். அங்கிருந்து மீண்டும் இந்தியாவுக்குத் திரும்பிய நினா, கோவாவில் தங்கியிருந்தார். இந்தியாவில் வீசா முடிந்த பிறகும் அவர் சட்டவிரோதமாக தங்கியிருந்தது விசாரணையில் தெரியவந்தது. கடந்த மே மாதம் கோகர்ணா வந்த அவர், அங்குள்ள ஒரு சாமியாரின் ஆசிரமத்தில் தங்கியிருந்தார். அந்த சாமியாரின் பரிந்துரையின் பேரில், தியானம் செய்ய அந்த குகைக்குச் சென்றதாக அவர் போலீசாரிடம் தெரிவித்துள்ளார்.
முழு ஒரு வாரமாக அந்த குகையில் தங்கியிருந்த நினா மற்றும் அவரது குழந்தைகள் மூவரும் போலீசாரால் மீட்கப்பட்டனர். அவர்களுக்கு உடல்நலம் மற்றும் உளவியல் ரீதியிலான பராமரிப்பு வழங்கப்பட்டது. அதன் பின், அவர்களை ஸ்வாமி யோகரத்னா சரஸ்வதி வழிநடத்தும் ஆசிரமத்திற்கு மாற்றப்பட்டனர். தற்போது நினா மற்றும் அவரது குழந்தைகளை மீண்டும் ரஷ்யாவுக்கு அனுப்ப நடவடிக்கை எடுக்கப்படுகிறதென போலீசார் தெரிவித்தனர்.
