கேரளாவில் அரசியல்வாதி ஒருவரை பெண் ஐஏஎஸ் அதிகாரி கட்டிப்பிடித்த புகைப்படம் வெளியாகி பரபரப்பை ஏற்படுத்தியுள்ளது. இந்நிலையில், அந்த புகைப்படம் தொடர்பாக பெண் ஐஏஎஸ் அதிகாரி திவ்யா எஸ் ஐயர் விளக்கம் அளித்துள்ளார். அவரது கணவரும் சாதகமாக பதிலளித்தார்.
கேரள மாநிலத்தில் பினராயி விஜயன் தலைமையிலான அமைச்சரவையில் எஸ்சி மற்றும் எஸ்டி நலன் மற்றும் தேவசம் போர்டு அமைச்சராக இருந்தவர் ராதாகிருஷ்ணன். பழங்குடியினர் குடியிருப்புகளுக்கு காலனி என்ற வார்த்தையை பயன்படுத்த தடை விதித்ததற்காக பல்வேறு தரப்பினரும் அவரை பாராட்டியுள்ளனர். சமீபத்தில் நடந்து முடிந்த லோக்சபா தேர்தலில் அமைச்சர் ராதாகிருஷ்ணன் வெற்றி பெற்று எம்.பி.யானார். இந்நிலையில் அவர் தனது அமைச்சர் மற்றும் எம்எல்ஏ பதவியை ராஜினாமா செய்துள்ளார்.
இளம் ஐஏஎஸ் அதிகாரியான திவ்யா எஸ் ஐயர், கேரளாவின் வில்லிஞ்சம் சர்வதேச துறைமுகத்தின் நிர்வாக இயக்குநராக உள்ளார். இவர் தமிழ்நாட்டைச் சேர்ந்தவர். இவரது கணவர் சபரிநாதன் கேரள காங்கிரஸ் கட்சியின் முன்னாள் எம்எல்ஏ. திவ்யா திருவனந்தபுரம் சப்-கலெக்டராக இருந்தபோது அருவிக்கரை தொகுதி காங்கிரஸ் எம்எல்ஏவான சபரிநாதனை காதல் திருமணம் செய்து கொண்டார்.
இந்நிலையில், கம்யூனிஸ்ட் கட்சி எம்.பி., ராதாகிருஷ்ணன் அமைச்சர் பதவியை ராஜினாமா செய்த அன்று, ஐ.ஏ.எஸ் அதிகாரி திவ்யா, ராதாகிருஷ்ணனை கட்டிப்பிடித்த புகைப்படத்தை, சமூக வலைதள பக்கத்தில் பகிர்ந்துள்ளார். அந்த புகைப்படம் சமூக வலைதளங்களில் வைரலானது. இந்த புகைப்படத்தை பலரும் ஷேர் செய்து பல்வேறு கருத்துக்களை தெரிவித்து வருகின்றனர்.
அந்தப் புகைப்படத்தைப் பகிர்ந்துள்ள ஐஏஎஸ் அதிகாரி திவ்யா, “நான் பத்தனம் திட்டா மாவட்டத்தில் மாவட்ட ஆட்சியராகப் பணிபுரிந்தபோது, பழங்குடியின கிராமங்களின் பிரச்சனைகளை எடுத்துக் கூறிய ராதாகிருஷ்ணனின் அர்ப்பணிப்பு என்னை வியப்பில் ஆழ்த்தியது. என்னைப் போன்றவர்களுக்கு அவர் தரும் ஆற்றல் கொஞ்சநஞ்சமல்ல.
குறிப்பிட்ட அந்த புகைப்படம் வைரலாக பரவி வரும் நிலையில், கடந்த 20ம் தேதி ராதாகிருஷ்ணனின் அதிகாரப்பூர்வ இல்லத்திற்கு சென்று அவரது குடும்பத்தினருடன் சிறிது நேரம் செலவிட்ட போது எடுத்த படம் இது. அப்போது, என் கணவரும், மற்றவர்களும் உடன் இருந்தனர்,” என்றார்.
இதுகுறித்து ஐஏஎஸ் அதிகாரி திவ்யாவின் கணவர் சபரிநாதன் வெளியிட்டுள்ள பதிவில், “ராதாகிருஷ்ணன் அமைச்சராக இருந்தபோது, அதிகாரப்பூர்வ நிகழ்ச்சிக்குப் பிறகு, பத்தனம்திட்டாவில் உள்ள ஆட்சியர் வீட்டுக்குச் சென்று எடுத்த புகைப்படம் வைரலானது. தற்போதுள்ள பாலின சமத்துவத்தின் சூழல்.” மேலும் புகைப்படம் குறித்து எதிர்மறையான கருத்துக்களை பார்க்க வேண்டிய அவசியம் இல்லை என்றும் அவர் கூறியுள்ளார்.
திவ்யா எஸ் ஐயர் ஏற்கனவே சில முறை தேசிய அளவில் பேசப்பட்டவர். ஐஏஎஸ் அதிகாரியான திவ்யா, தனது 3 வயது மகனுடன் ஒரு நிகழ்வில் உரையாற்றிய வீடியோ சமூக வலைதளங்களில் வைரலாகி கலவையான விவாதத்தை உருவாக்கியுள்ளது.
மேலும், திவ்யா தனது 8 வயதில் தனது சொந்த தந்தையால் பாலியல் துன்புறுத்தலுக்கு ஆளாக்கப்பட்டதாகவும், வெளியே சொன்னால் தனது சகோதரனை ஏதாவது செய்து விடுவதாக மிரட்டியதாகவும் கூறி பரபரப்பை ஏற்படுத்தினார். இந்த விவகாரம் நாடு முழுவதும் விவாதத்தை ஏற்படுத்தியது குறிப்பிடத்தக்கது.
